විගණකාධිපති විසින් විගණකාධිපති දෙපාර්තමේන්තුව හරහා රාජ්‍ය අංශයේ ආයතනවල කාර්යසාධනය සහ ගණන්දීමේ වගකීම පිළිබඳ ස්වාධීන සමාලෝචනයක් සපයන අතර පාර්ලිමේන්තුවට වාර්තා කරයි. විගණකාධිපති දෙපාර්තමේන්තුව විසින් පාර්ලිමේන්තුවේ, විධායකයේ සහ එහි සේවාදායකයන්ගේ අවශ්‍යතාවන් හා අපේක්ෂාවන් ඉටුකිරීමට මෙන්ම රාජ්‍ය අංශයේ කාර්යසාධනය සහ ගණන්දීමේ වගකීම සඳහා වටිනාකමක් එකතු කිරීමට අරමුණු කරයි. එබැවින් මෙම ස්වාධීන සමාලෝචනය සියළු ව්‍යවස්ථාපිත සහ වෙනත් නෛතික අවශ්‍යතාවන්ට උචිතබව, එකඟබව හා අනුකූලබව සහ මෙභෙයුම්වල ආර්ථිකභාවය, කාර්යක්ෂමභාවය සහ එලදායිත්වය සහතික කිරීම සඳහා ක්‍රියාත්මක කරනු ලැබේ.